السلام عليكم ورحمه الله وبركاته
مساء الورد والفل والياسمين على كل العروسات الحلوييييين منورين صفحتى وان شاء الله تستفيدوا من موضوعى :o
احتمال استغربتوا من الاسم ؟؟ بس عشان تحصلى على شعر طويل وكثيف وصحى لازم تهتمى بفروة الراس لانها الاساس فى بناء الشعر يعنى اذا فروة راسك فيها قشرة ومسامات الشعر مقفوله بالزيوت وباقى المستحضرات البستخدميها من شامبو وبلسم وحمام زيت وموس وسيروم والخ ...
وكل المستحضرات دى جزء منها بترسب فى فروة الراس وبتمنع وصول المغذيات للشعر وبالتالى تضعف الشعرة وتسقط دى صورة توضيحيه لفروة راس صحيه واخرى غير صحيه
والطين المغربى معروف طبعا وبستخدميه مع الحمام المغربى وممكن يتعمل غسول للشعر حيث يفيد فى تنظيف الشعر من الدهون والاوساخ وينظف عمق المسام ودى طريقتى فى استخدمه
وح نحتاج :
- طين مغربى 3 معالق او حسب طول شعرك (ح تفرديه فى فروة الراس بس )
- زيت لافندر 1 معلقه مطهر ومضاد للفطريات والبكتريا ومهدئ للفروه الراس
- زيت الجوجوبا .. يغذى وينعم الشعر وينظف فرة الراس يساعد على علاج وترميم الشعر التالف
الخلطه جاهزه بعد الخلط وقوامه يكون سميك عشان ما يسيل على الوجه
قبل ما اضع الخلطه على شعرى عملت مساج لفروة الراس بزيت الشاى (لو متوفر عندك زيت شجرة الشاى المركز اخلطى معلقه منه مع 4 معالق زيت اخر زيت زيتون او لوز حلو) انا الزيت العندى مش صافى يعنى مخلوط مش لازم اخلطه بزيت ثانى عملته فى شعرى 3 ساعات وبعديه عملت ماسك الطين.. وزيت الشاى مغذى للشعر ويزيل القشور ويطهر الفروة ايضا زيت خشب الارز يعطى نفس المفعول
شكل الخلطه على شعرى
والزمن اقل شئ 30 دقيقه واكثر شئ ساعه
غسلتها اول بماء (والطين المغربى بطلع بسهوله من الشعر يعنى ما تخافوا:thumbs_up:) وبعديه بشامبو طبيعى صنع ايديا وحيات عينيا:D:p لانى توقفت نهائى عن استخدام الشامبو التجارى لانه كله مواد كيمائيه ضارة بالشعر لو حابين طريقه عمل الشامبو انتو تأمروا أمر وانا بنزل الموضوع:o
مكونات الشامبو : صابون زيتون - ماء ورد - زيت نعناع - عسل - بكربونات الصوديوم
- ماء الورد مهدئ للفروة - زيت النعناع يحتوى على المنثول الذى ينعش فروة الراس وينظم افرازات الدهون ويحفز نمو الشعر
- العسل يعتبر بلسم طبيعى للشعر ومغذى ومنعم للشعر يعنى شامبو 2فى 1 :D بلسم وشامبو
- بكربونات الصوديوم هو العنصر المهم لانه يزيل كل الترسبات فى الفروة ويزيل الترسبات الكلسيه من الشعر بالزات بنات الخليج لان الماء عسر عندهم وبظهر الشعر باهت اللون ..
-بس فى الاول بغسل شعرى بصابون طبيعى وبعديه بستخدم الشامبو مرة واحدة وبسيبه على فروة الراس 2-3 دقايق مع المساج بس وبغسله لانى مش عايزة اعرض شعرى لبيكربونات الصوديوم كتير
بعد ما انشف شعرى بسرحه اول بمشط عريض الاسنان من تحت لفوق وبعديه برطبه بزيت اللوز الحلو واسرحه مرة ثانيه بمشط الخشب وبس لفيته
النتيجه النهائيه:
فروة راس نظيفه وشعر نظيف وناعم
وطبعا اى ماسك او زيت اوخلطه ح استفيد منها 100% لان مافى اى ترسبات تعيق امتصاص فوائد الزيت او اى خلطه لشعرك:thumbs_up:
نوعيه شعرى عادى وعلى فكرة دى اول مرة اجرب الطريقه دى بعد بحث طويل فى كل المكونات دى وفوائدها للشعر وان شاء الله ح استمر عليها
ملحوظه هاااااااااااامه
الماسك دا يستخدم مرة واحدة فى الشهر بكرر مرة واحدة بس لانه تنظيف عميق جدا
الموضوع جهد شخصى وحصرى لمنتديات عروس ممنوع النقل ..
اى سؤال انا حاضرة ان شاء الله
قيمونى اذا بستاهل
اختكم فى الله منووووشه
